మరో విజయం నమోదు చేసుకున్న ఢిల్లీ క్యాపిటల్స్ ..

ఐపీఎల్ 2024లో భాగంగా ముంబాయితో జరిగిన మ్యాచ్ లో 10 పరుగుల తేడాతో ఢిల్లీ క్యాపిటల్స్ విజయం సాధించింది. ఈ మ్యాచ్‍లో ముందుగా బ్యాటింగ్ చేసిన ఢిల్లీ క్యాపిటల్స్ నిర్ణీత 20 ఓవర్లలో 4 వికెట్లకు 257 పరుగుల భారీ స్కోరు సాధించింది. యువ స్టార్ ఓపెనర్ జేక్ ఫ్రేజర్ మెక్‍గుర్క్ 27 బంతుల్లో 84 పరుగులు (11 ఫోర్లు, 6 సిక్స్‌ లు ) మెరుపు అర్ధ శకతంతో రెచ్చిపోయాడు. ఢిల్లీకి భారీ స్కోరుకు మంచి పునాది వేశాడు. ఆ తర్వాత షాయ్ హోప్ 17 బంతుల్లో 41 పరుగులు (5 సిక్స్‌లు), ట్రిస్టన్ స్టబ్స్ 25 బంతుల్లో 48 పరుగులు (నాటౌట్) కెప్టెన్ రిషబ్ పంత్ 19 బంతుల్లో 29 పరుగులు అదరగొట్టడంతో ఢిల్లీకి భారీ స్కోరు వచ్చింది.

ఐపీఎల్‍లో ఢిల్లీ క్యాపిటల్స్ జట్టుకు ఇదే అత్యధిక స్కోరు. ముంబై బౌలర్లు పియూష్ చావ్లా, జస్‍ప్రీత్ బుమ్రా, ల్యూక్ వుడ్, నబీ చెరో వికెట్ తీశారు.

భారీ లక్ష్యఛేదనకు బరిలోకి దిగిన ముంబాయి ఇండియన్స్
20 ఓవర్లలో 9 వికెట్లకు 247 పరుగులు చేసింది,చివరి వరకు పోరాడి ఓడింది. తెలుగు ప్లేయర్, తిలక్ వర్మ 32 బంతుల్లోనే 4 ఫోర్లు, 4 సిక్స్‌లతో 63 పరుగులు చేశాడు. ఆఖరి వరకు పోరాడి చివరి ఓవర్లో రనౌట్ అయ్యాడు. కెప్టెన్ హార్దిక్ పాండ్యా 24 బంతుల్లో 46 పరుగులు, టిమ్ డేవిడ్ 17 బంతులు 37 పరుగులు, కూడా పర్వాలేదనిపించారు. అయితే, తిలక్‍కు తోడుగా నిలువలేకపోయారు. తిలక్ మాత్రం ఒంటరి పోరు కొనసాగించాడు. మొదట్లో రోహిత్ శర్మ (8), ఇషాన్ కిషన్ (20) విఫలమయ్యారు. ఢిల్లీ బౌలర్లలో రసిక్ సలామ్, ముకేశ్ కుమార్ చెరో మూడు వికెట్లతో రాణించారు. ఈ భారీ స్కోర్ గేమ్‍లో యంగ్ బౌలర్ రసిక్ 4 ఓవర్లలో 34 పరుగులే ఇచ్చి ఆకట్టుకున్నాడు. ఖలీల్ అహ్మద్ రెండు వికెట్లు తీశాడు.

కాగా, ప్రస్తుత ఐపీఎల్ సీజన్‍లో పరుగుల వరద మాత్రం కొనసాగుతుంది. ఈ మ్యాచ్‍లో రెండు జట్లు కలిపి 504 పరుగులు చేశాడు. మరో మ్యాచ్‍లో 500పైగా రన్స్ నమోదయ్యాయి. ఈ సీజన్ ఆరంభంలో ఐదు మ్యాచ్‍ల్లో నాలుగు ఓడిపోయి ఢిల్లీ క్యాపిటల్స్ నిరాశపరిచినా చివరి ఐదు మ్యాచ్‍ల్లో నాలుగు గెలిచి మళ్లీ ప్లేఆఫ్స్ రేసులోకి వచ్చేంది. ఈ సీజన్‍లో ఇప్పటి వరకు ఐదు మ్యాచ్‍ల్లో గెలిచి.. 10 పాయింట్లతో ఢిల్లీ పాయింట్ల పట్టికలో ఐదో స్థానాని చేరింది. 9 మ్యాచ్‍ల్లో ఆరు ఓడిన ముంబై ఇండియన్స్ తొమ్మిదో స్థానంలోనే ఉంది.

ప్లేయర్ ఆఫ్ ది మ్యాచ్ గా జేక్ ఫ్రేజర్ మెక్‍గుర్క్ ఎంపికయ్యాడు