టీడీపీ అన్నదాత పధకంతో పాటు లోకేష్ రైతులకు ఇచ్చిన హామీలు వాటి కధా కమామిషు ఏంటి.

నాకు ఇవే ఆఖరి ఎన్నికలు అని ప్రకటించిన బాబు 2024 ఎన్నికల్లో ఎలాగైనా విజయం సాధించాలని తపనతో 2023 మే 28 న మహానాడులో మినీ మేనిఫెస్టో ప్రకటించారు. అందులో భాగంగా రాష్ట్రంలో ప్రతి రైతుకూ ఏటా 20000 రూపాయలు ఆర్ధిక సాయం అందిస్తామని చెప్పారు.

ఈ హామీ కాకుండా బాబు తనయుడు నారా లోకేష్ కూడా తన యువగళం పాదయాత్రలో రైతులకు అనేక హామీలు ఇచ్చారు. అవి వరసగా

• రైతుకు గిట్టుబాటు ధర కల్పిస్తాం .
• ఇన్పుట్ సబ్సిడీ సమయానికి అందిస్తాం.
• బటన్ నొక్కి పొలానికి పురుగు మందు కొడతాం,
• కోల్డ్ స్టోరేజ్ లు అగ్రి ప్రాసెసింగ్ సెంటర్స్ కడతాం.
• విత్తనాలు, ఎరువులు, పురుగు మందుల ధరలు తగ్గించి వ్యవసాయ పెట్టుబడి తగ్గిస్తాం.
• నాణ్యమైన టమాటో నారు సబ్సిడీ ధరకు అందిస్తాం.
• మదనపల్లి టమాటో మార్కెట్ ని దత్తత తీసుకొంటా.
• మదనపల్లిలో టొమాటో కోల్డ్ స్టోరేజ్ నెలకొల్పుతా
• రాప్తాడులో చీనీ, టమాటో, వేరు శనగ రైతులని ఆదుకొంటా .
• గార్లదిన్నె మండలం మార్తాడు వద్ద చీనీ ప్రాసెసింగ్ సెంటర్ నెలకొల్పుతా.
• టెక్నాలజీ అనుసంధానంతో వ్యవసాయాన్ని లాభసాటిగా చేస్తా.
• వ్యవసాయానికి కావాలసిన పనిముట్లు, యంత్ర పరికరాలు బటన్ నొక్కి రైతుల ఇంటికే పంపిస్తా.
• కౌలు రైతులను ఆదుకొనేందుకు ప్రణాళికలు సిద్ధం చేసి అమలు చేస్తా.
• నకిలీ విత్తనాలు అరికడతా, అమ్మిన వారి పై కఠిన చర్యలు తీసుకొంటా.
• విత్తనాలు పరీక్షించి నాణ్యమైన విత్తనాలు అందజేస్తా.
• చీనీ ఉత్పత్తులు ఇతర దేశాలకు ఎగుమతి అవకాశాలు కల్పిస్తా.
• ఎరువులు, పురుగు మందులు, విత్తనాలు, యంత్ర పరికరాలు, వ్యవసాయ పనిముట్లు సబ్సిడీ పై అందజేస్తా.
• అరటితో పాటు అన్ని పంటలను మార్కెటింగ్ చేసి లాభలు వచ్చేలా చర్యలు తీసుకొంటా.
• ఎన్టీఆర్ జలసిరి ద్వారా పొలాల్లో బోర్లు వేస్తా.
• పాడి, పట్టు, ఆక్వా రంగాలను వ్యవసాయంతో అనుసంధానం చేస్తా.
• వ్యవసాయ అనుబంధ రంగాలను అధికంగా ప్రోత్సహించి యువతను వ్యవసాయ రంగం వైపు ఆకర్షిస్తా.
• రైతు మొఖంలో చిరునవ్వు చూడటమే లక్ష్యంగా గతంలో మేం అమలు జేసిన విధానాలతో రైతు సంక్షేమ పాలన అందిస్తాం.
• వేరు శనగ అనుబంధ పరిశ్రమలు తెచ్చి గిట్టుబాటు ధర కల్పిస్తా .
• మామిడి బోర్డు స్టోరేజ్ గోడౌన్ ల పై అధికారం ఇస్తే ఆలోచించి నిర్ణయం తీసుకొంటా.
• ఉద్యాన రైతులకు రెండు లక్షల సబ్సిడీ పై ప్యాక్ హవుస్ లు నిర్మిస్తాం.
• ఉద్యానం రైతులకు యంత్రాలు, యంత్రం పరికరాలు, పనిముట్లు తక్కువ ధరకు అందిస్తాం.
• ఉల్లి రైతులకు గిట్టుబాటు ధర కల్పించి ఆదుకొంటా.
• రైతులకు పాత భీమా విధానాన్ని ప్రవేశ పెడతా.
• వ్యవసాయ అనుబంధ రంగాలకు ఉపాధి హామీ అనుసంధానం చేస్తా.
• ఆదోని లో మిర్చి యార్డ్ ఏర్పాటు చేస్తా.
• రైతుల నుండీ ప్రభుత్వమే పంటలు కొనుగోలు చేసేలా చర్యలు తీసుకొంటాం.
• భూ యజమానులకు ఇబ్బంది లేకుండా కవులు రైతులను ఆదుకోవడానికి ప్రణాళికలు సిద్ధం చేస్తా.
• ప్రత్యేక వ్యవసాయ బడ్జెట్ ప్రవేశపెడతాం
• అరటి పసుపు పెట్టుబడి వ్యయం తగ్గించి గిట్టుబాటు ధర కల్పిస్తా. నంద్యాల
• డ్వాక్రా సంఘాల ద్వారా ధాన్యం కొనుగోలు చేస్తా.
• జీరో బడ్జెట్ నేచురల్ ఫార్మింగ్ ని పెద్ద ఎత్తున ప్రోత్సాహిస్తా.
• నిమ్మ రీసెర్చ్ సెంటర్ ఏర్పాటు చేసి మెరుగైన కొత్త రకాల మొక్కలు అందిస్తా.
• పంటకు జబ్బు చేసిన వెంటనే ఎ మందు కొట్టాలో అవగాహనా సదస్సులు ఏర్పాటు చేస్తా.
• పొగాకు రైతుల్ని ఆదుకొని మద్దతు ధర వచ్చేలా చేస్తా.
• నెల్లూరు
  హార్టీ కల్చర్ పంటల వారీగా ప్రతి పంటకు రీసెర్చ్ సెంటర్స్ ఏర్పాటు చేస్తా.
• హార్టీ కల్చర్ ఉత్పత్తులు ప్రతి ఒక్కటి విదేశాలకు ఎగుమతి చేసేలా ఒప్పండాలు చేసుకొంటా.
• ఉద్యాన పంటల మొక్కలు తక్కువ ధరకే అందిస్తా.
• విత్తనం నుండీ గిట్టుబాటు ధర వచ్చే వరకూ అండగా ఉంటా..
• చుంచులూరు వద్ద హార్టీ కల్చర్ సొసైటీ ఏర్పాటు చేస్తా.
• జ్యూస్ ఫ్యాక్టరీలకు కావాల్సిన చీనీ రకాలు పండించేలా ప్రోత్సాహిస్తా.

(రచయిత నోటీసుకి రానివి మరికొన్ని హామీలు ఉండొచ్చు.)

హామీలు చూస్తే అద్భుతంగా ఉన్నాయి కానీ, చంద్రబాబు గతం చూస్తే మహాద్భుతంగా కనపడుతుంది. 2004 లో అధికారం కోల్పోయిన బాబు పదేళ్లు అధికారానికి దూరంగా ఉన్న తర్వాత 2014 ఎన్నికల్లో ఎలాగైనా గెలవాలనే ఏకైక లక్ష్యంతో అనేక పొత్తులు పెట్టుకోవటంతో పాటు 650 హామీలతో జంబో మేనిఫెస్టో రూపొందించాడు.

ఆ హామీల్లో రైతు రుణమాఫీ ప్రధాన హామీ. 2014 ఎన్నికల నాటికి విభజిత ఆంధ్రప్రదేశ్లో రైతులు బ్యాంక్స్ నందు తీసుకొన్న వ్యవసాయ రుణాలు వడ్డీతో కలిపి 84000 కోట్లుగా ఉంది. ఈ బకాయిలు ఎవరూ కట్టొద్దని తాను అధికారంలోకి వచ్చిన వెంటనే ఈ బకాయిల రద్దు ఫైల్ పైనే తొలి సంతకం పెడతానని హామీ ఇచ్చారు చంద్రబాబు. కానీ అధికారంలోకి వచ్చాక తొలి సంతకం మాఫీ పై చేయకుండా ఓ కమిటీ వేసి నానా రకాల నిభందనలు పెట్టి చివరికి అయిదు విడతలుగా 24000 కోట్లు మాఫీ చేస్తానని ప్రకటించారు. అయితే అది కూడా అమలు చేయకుండా 2019 నాటికి మూడు విడతలుగా కేవలం 14500 కోట్లు మాత్రమే మాఫీ చేసిన బాబు మొత్తం ఎలా చేస్తాం రైతులకు అత్యాశ పనికిరాదు అంటూ రైతులని నిందించటంతో ప్రపంచం నివ్వెరపోయింది .

వాటితో పాటు నాడు బాబు రైతులకు ఇచ్చిన మిగతా హామీలు, వాటి అమలు కూడా చూద్దాం.

• అనంతపురం కేంద్రంగా వేరుశనగ పంటకు ప్రత్యేక డైరెక్టరేట్ ఏర్పాటు చేస్తామన్నారు
• చేయలేదు…
• రైతులకు కాంప్లెక్స్, ఫర్టిలైజర్, మైక్రో న్యూట్రియంట్ ఎరువుల సరఫరా కోసం 500 కోట్ల నిధి ఏర్పాటు చేస్తామన్నారు .
• చేయలేదు….
• స్వామినాధన్ కమిటీ నివేదికలను అనుసరించి ఆయా పంటలకు మద్దతు ధర ప్రకటిస్తామన్నారు .
• మద్దతు ధర ప్రకటించలేదు….
• పంట పెట్టుబడి పై కాకుండా దిగుబడి పై ఇన్సూరెన్స్ వచ్చే విధానాన్ని రూపొందిస్తామన్నారు…
• రూపొందించలేదు…
• రైతు ఉత్పత్తికి గిట్టుబాటు ధర లభించేవరకూ నిల్వ చేసుకోవటానికి వీలుగా మండల స్థాయిలో కోల్డ్ స్టోరేజ్ లు, గోడౌన్లు నిర్మిస్తామ్మన్నారు.
• ఒక్క కోల్డ్ స్టోరేజ్ కూడా నిర్మించలేదు.
• అన్ని పట్టణ ప్రాంతాల్లో అదనంగా రైతు బజార్లు నిర్మిస్తామ్మన్నారు.
• గతంలో ఉన్నవే కొన్ని టీడీపీ దళారుల పాలు చేశారు తప్ప కొత్తవి నిర్మించలేదు.
• అగ్రికల్చరల్ ప్రోడక్ట్ ఎక్స్పోర్ట్ ప్రమోషన్ సంస్థని ఏర్పాటు చేస్తామన్నారు .
• ఏర్పాటు చేయలేదు.
• ప్రత్యేక విత్తన చట్టం తెచ్చి, బిటి పత్తి విత్తనాలు సబ్సిడీ పై అందిస్తామ్మన్నారు.
• ప్రత్యేక విత్తన చట్టం తేలేదు, బిటి పత్తి విత్తనాలు సబ్సిడీ పై ఇచ్చింది లేదు కానీ టీడీపీ వ్యవసాయ శాఖ మంత్రి పత్తిపాటి పుల్లారావు లాంటి నాయకుల కాటన్ జిన్నింగ్ మిల్లులకు భారీ స్థాయిలో సబ్సిడీలు, ప్రోత్సాహక నగదు సాయాలు అందజేశారు.
• సేంద్రియ వ్యవసాయాన్ని ప్రోత్సాహిస్తామన్నారు.
• జీరో బడ్జెట్ నేచురల్ ఫార్మింగ్ అంటూ రాష్ట్ర వ్యాప్తంగా అయిదు లక్షల మంది టీడీపీ కార్యకర్తలని ప్రకృతి వ్యవసాయం చేస్తున్న రైతులగా నమోదు చేసి ఆ లెక్కలు చూపి BNP paribas అనే విదేశీ బ్యాంక్ వద్ద 16000 కోట్ల ఋణం సాధించుకొన్నారు. అవేమయ్యాయో ఎందుకు ఖర్చు చేశారో వివరం ఎవరికి తెలీదు.
• పశువులకు మొబైల్ క్లినిక్స్ ఏర్పాటు చేస్తామన్నారు.
  అయిదేళ్లలో ఒక్క mobile క్లినిక్ కూడా ఏర్పాటు చేయలేదు.
• సబ్సిడీ పై పశుగ్రాసం, విత్తనాలు సరఫరా చేస్తామన్నారు.
• సైలేజ్ గడ్డి సరఫరా పేరిట కోడెల వంటి టీడీపీ నేతలు వందల కోట్లు దోచుకొన్నారు తప్ప రైతులకు ఇచ్చింది బహు స్వల్పం .
• కౌలు రైతులకు గుర్తింపు కార్డులు అందించి వారికీ కూడా రుణ సదుపాయం కల్పిస్తాం .
• షుమారు పదహారు లక్షల మంది కౌలు రైతులు ఉంటారని అంచనా రూపొందించారు కానీ గుర్తింపు కార్డులు లేవు, సబ్సిడీ రుణాలు ఇచ్చింది లేదు.
• అయిదు వేల కోట్లతో ధరల స్థిరికరణ నిధి ఏర్పాటు చేస్తామన్నారు.
• ధరల స్థిరికరణ నిధి ఏర్పాటు చేయకపోగా మిర్చికి గిట్టుబాటు ధర కోసం రాష్ట్ర వ్యాప్తంగా రైతులు పోరుబాట పట్టిన సమయంలో పట్టించుకోకుండా విదేశీ పర్యాటనలకు పోయారు చంద్రబాబు.
• ఉపాధి హామీ పధకాన్ని వ్యవసాయానికి అనుసంధానం చేస్తామని చెప్పారు.

వ్యవసాయానికి అనుసంధానం చేయలేదు కానీ నీరు చెట్టు అంటూ టీడీపీ నేతలు అడ్డగోలుగా దోచుకొన్న పధకానికి ఉపాధి హామీని అనుసంధానం చేసి వారి దోపిడీకి మరింత సాయం చేశారు.

ఇలా 2014 మేనిఫెస్టోలో ఇచ్చిన ప్రతి ఒక్క హామీకి తూట్లు పొడిచిన బాబు గారు మళ్ళీ అన్నదాత పధకం అంటూ ప్రతి రైతుకి యేటా పదిహేను వేలు పెట్టుబడి సాయం అందజేస్తానంటే రైతులే కాదు కాస్త జ్ఞానం ఉన్న ఏ ఒక్క వ్యక్తి కూడా నమ్మడు.

ఇహ జనం తన మాట నమ్మరు అని చంద్రబాబుకి కూడా అర్ధమయ్యింది అనుకొంటా. అందుకే యువగళం పేరిట కొడుకుని జనాల్లోకి పంపి మళ్ళీ అతని చేత రైతులకోసం అంటూ దాదాపు యాభై హామీలు ఇప్పించాడు బాబు. ఆ హామీల్లో కూడా ప్రధానమైనవి చంద్రబాబు 2014 మేనిఫెస్టోలో పెట్టి అమలు చేయకుండా మోసం చేసినవే అటూ ఇటూ మార్చి చెప్పాడు ఆ తండ్రి చాటు బిడ్డ.

విత్తు ఒకటి అయితే చెట్టు ఒకటి అవుతుందా, తండ్రి అమలు చేయకుండా మోసం చేసిన పధకాలు కొడుకు చేస్తాడా?? . అందునా మళ్ళీ సీఎం అభ్యర్థి మా నాన్నే అని లోకేష్ నే ధ్రువీకరించాడు కూడా. చంద్రబాబు అన్నదాత పేరిట యేటా ఇస్తానన్న ఇరవై వేల పధకం అమలు చేయడు, లోకేష్ చెప్పిన యాభై హామీలు అమలు కావని ప్రజలకు బాగా తెలుసు