ఫైనల్ లో అడుగుపెట్టిన కోల్‌కత్తా నైట్‌ రైడర్స్‌, తొలి క్వాలిఫయర్ లో సన్‌రైజర్స్‌ హైదరాబాద్‌ ఓటమి

ఐపీఎల్ 2024 లో భాగంగా కోల్‌కత్తా నైట్‌ రైడర్స్‌,సన్‌రైజర్స్‌ హైదరాబాద్‌ మధ్య జరిగిన తొలి క్వాలిఫయర్లో కోల్‌కత్తా నైట్‌ రైడర్స్‌ ఘన విజయం సాధించింది, దీంతో ఆ జట్టు ఐపీఎల్ 2024 సీజన్ ఫైనల్ లో అడుగుపెట్టింది

ముందుగా టాస్ గెలిచి బ్యాటింగ్ చేసిన సన్‌రైజర్స్ హైదరాబాద్ కు బ్యాటింగ్‌లో శుభారంభం లభించలేదు . టాప్ ఆర్డర్ విఫలమవడంతో భారీ లక్ష్యాన్ని నమోదు చేయలేకపోయింది, హైదరాబాద్ జట్టు 19.3 ఓవర్లలో కేవలం 159 పరుగులకు ఆల్ అవుట్ అయింది ,రాహుల్ త్రిపాఠి (35 బంతుల్లో 7 ఫోర్లు, సిక్స్‌తో 55) హాఫ్ సెంచరీతో రాణించగా.. హెన్రీచ్ క్లాసెన్(21 బంతుల్లో 3 ఫోర్లు, సిక్స్‌తో 32), ప్యాట్ కమిన్స్(24 బంతుల్లో 2 ఫోర్లు, 2 సిక్స్‌లతో 30) కీలక ఇన్నింగ్స్ ఆడారు.

అనంతరం లక్ష్యచేధనకు దిగిన కోల్‌కత్తా నైట్‌ రైడర్స్‌ .. 13.4 ఓవర్లలో 2 వికెట్లకు 164 పరుగులు చేసి సునాయస విజయాన్ని అందుకుంది, వెంకటేశ్ అయ్యర్(28 బంతుల్లో 5 ఫోర్లు, 4 సిక్స్‌లతో 51 పరుగులు నాటౌట్), శ్రేయస్ అయ్యర్(24 బంతుల్లో 5 ఫోర్లు, 4 సిక్స్‌లతో 58 పరుగులు నాటౌట్) అజేయ హాఫ్ సెంచరీలతో సత్తా చాటారు. సన్‌రైజర్స్ బౌలర్లలో నటరాజన్, కమిన్స్ తలో వికెట్ తీసారు.

ఈ ఓటమితో తృటిలో ఫైనల్ చేరే అవకాశాన్ని సన్‌రైజర్స్ హైదరాబాద్ చేజార్చుకుంది .. శుక్రవారం చెన్నై జరిగే క్వాలిఫయర్-2‌లో మరోసారి తమ అదృష్టాన్ని పరీక్షించుకోనుంది. మరోవైపు అన్ని విభాగాలలో రాణించిన కోల్‌కత్తా నైట్‌ రైడర్స్‌ జట్టు ఫైనల్‌కు చేరుకుంది