కింగ్ కోహ్లీ అజేయ సెంచరీ వృధా .. బట్లర్ సెంచరీతో బెంగళూర్ పై రాజస్థాన్ రాయల్స్ గెలుపు

ఐపీఎల్ 2024 నేపథ్యంలో శనివారం రాజస్థాన్ లో జైపూర్ వేదికగా జరిగిన మ్యాచ్ లో టాస్ ఓడి బ్యాటింగ్ కి దిగిన రాయల్ చాలెంజర్స్ బెంగళూరు నిర్ణీత 20 ఓవర్లలో 3 వికెట్లు కోల్పోయి 183 పరుగులు చేసింది . బెంగళూర్ ఓపెనర్లు విరాట్ కోహ్లీ , డూప్లెసిస్ మొదటి వికెట్ 100 పరుగుల భాగస్వామ్యం చేసి ఆర్సీబీకి సూపర్ ఆరంభాన్ని ఇచ్చారు కింగ్ కోహ్లీ మరోసారి తన అద్బుతమైన ఫామ్ ను కొనసాగిస్తూ ఈ ఐపీఎల్ సీజన్ లో మొదటి సెంచరీ నమోదు చేసుకున్నాడు . కోహ్లీ 72 బంతుల్లో 113 పరుగులు ( 12 ఫోర్లు , 4 సిక్స్ లు ) లతో అజేయంగా నిలిచాడు , ఫామ్ లేమితో బాధపడుతున్న కెప్టెన్ డూప్లిసిస్ ఈ మ్యాచ్ ద్వారా ఫామ్ లోకి వచ్చినట్టే కనపడ్డాడు , డూప్లిసిస్ 33 బంతుల్లో 44 పరుగులు చేసాడు

రాజస్థాన్ బౌలర్లలలో చాహాల్ 2 వికెట్లు , బర్గర్ 1 వికెట్ తీసుకున్నారు

184 పరుగుల లక్ష్యంతో బరిలోకి దిగిన రాజస్థాన్ రాయల్స్ కి ఆదిలోనే జైస్వాల్ వికెట్ కోల్పోయింది కానీ బట్లర్ , సంజు శాంసన్ ఇద్దరూ సెట్ అయ్యి జట్టును గెలుపు వైపు నడిపించారు , ఆర్సీబి పూర్ బౌలింగ్ కి తోడు ఫిల్డింగ్ కూడా సరిగా లేదు , ఏ దశలోనూ రాజస్థాన్ బ్యాటింగ్ ని కట్టడి చేయలేకపోయారు . కెప్టెన్ సంజు శాంసన్ 42 బంతుల్లో 69 పరుగులు ( 2 సిక్స్ లు 8 ఫోర్లు ) కి తోడుగా ఇంగ్లాండ్ బ్యాటర్ 58 బంతుల్లో సెంచరీ ( 9 ఫోర్లు , 4 సిక్స్ లతో ) చేసి రాజస్థాన్ జట్టును విజయ తీరాలకు చేర్చాడు , రాజస్థాన్ 6 వికెట్ల తేడాతో ఈ సీజన్ 4వ గెలుపును సొంతం చేసుకుంది

ఆర్సీబీ బౌలర్లలో టోప్లే తప్ప ఎవరూ పెద్దగా రాణించలేదు టోప్లే 2 వికెట్లు తీసుకోగా డయాల్ , సిరాజ్ చెరో వికెట్ తీసుకున్నారు. ప్లేయర్ ఆఫ్ ది మ్యాచ్ గా జాస్ బట్లర్ ఎంపిక అయ్యాడు