నిరుద్యోగ భృతి పేరిట చంద్రబాబు చేస్తున్న మోసానికి ఎంత వయసో మీకు తెలుసా.

1995 లో ఎన్టీఆర్ వద్ద నుండి అధికారాన్ని లాక్కున్న తర్వాత 96 లో రాబోతున్న పార్లమెంట్ ఎలెక్షన్ ని దృష్టిలో పెట్టుకొని పదవ తరగతి పూర్తయ్యి ఉద్యోగం లేని వారికి నూతన సంవత్సర కానుకగా 100 రూపాయల భృతి ఇస్తానంటూ మొదటిసారి నిరుద్యోగ భృతి పధకానికి తెర లేపారు. కానీ 1996 పార్లమెంట్ ఎన్నికలు ముగియగానే ఒక్కరికి కూడా భృతి అందించకుండానే ఈ పధకం అటక ఎక్కింది.

మళ్ళీ 2014 ఎన్నికల్లో టీడీపీ ప్రధాన ప్రచారాస్త్రంగా బయటకి వచ్చింది నిరుద్యోగ భృతి. నాటి నుండి నేటి వరకూ నిరుద్యోగ భృతి తిరిగినన్ని మెలికలు నాగు పాము కూడా తిరిగి ఉండదంటే అతిశయోక్తి కాదు.

 

• ఇంటింటికి ఒక జాబు ఇస్తా , అప్పటివరకూ రెండు వేల చొప్పున నిరుద్యోగ భృతి ఇస్తానని 2014 ఎన్నికల ప్రచారంలో చెప్పిన చంద్రబాబు , తరువాత టీడీపీ మేనిఫెస్టోలో సైతం ఇదే అంశాన్ని పొందుపరిచి 2014 ఏప్రిల్ 1న విడుదల చేసారు .
• 17 – oct – 2016 న మేము నిరుద్యోగ భృతి ఇవ్వలేము . ఇతర రాష్ట్రాల్లో అధ్యయనం చేస్తే చాలా తక్కువ భృతి ఇస్తున్నారు . అందుకని ఎస్సీ సబ్ ప్లాన్ లాగా యూత్ సబ్ ప్లాన్ తీసుకోస్తామని నాటి టీడీపీ కార్మిక మంత్రి అచ్చెన్నాయుడు స్టేట్మెంట్
• 21-జులై-2017 న నిరుద్యోగ భృతి పథకాన్ని నెల రోజుల్లో అమల్లోకి తెస్తాం . నిరుద్యోగుల ఖాతాలో నెలనెలా 2000 చొప్పున నిరుద్యోగ భృతి డబ్బులు జమ చేస్తామని
  నాటి మంత్రి నారా లోకేష్ హామీ …
• 02-ఆగష్టు -2018 న 12.26 లక్షల మందికి నెలకి 1000 రూపాయల చొప్పున నిరుద్యోగ భృతి ఇస్తామని చెప్పిన నాటి ముఖ్యమంత్రి నారా చంద్రబాబు నాయుడు …
• చివరిగా 11-సెప్టెంబర్-2018 న నిరుద్యోగ భృతి అమలుకై జీవో no45 విడుదల . ముఖ్యమంత్రి యువనేస్తంగా పేరు ఖరారు . మొత్తంగా 45.50 లక్షల మంది నిరుద్యోగుల దరఖాస్తు .
• 20-సెప్టెంబర్-2018 న టీడీపీ పార్టీ ప్రతి మండల కార్యాలయంలో ఒక కంప్యూటర్ ఏర్పాటు చేసి టీడీపీకి చెందిన నిరుద్యోగుల చేత 30-sep-2018 లోపు నిరుద్యోగ భృతికి అప్లై చేయించాలని పార్టీ ఎమ్మెల్యేలకు , నియోజక వర్గ ఇంచార్జ్ లకు లేఖ రాసిన పార్టీ కేంద్ర వ్యవహారాల కమిటీ కన్వీనర్ వి .వి.వి చౌదరి .
• ఎట్టకేలకు హామీ ఇచ్చిన 55 నెలల తర్వాత ఎన్నికలకు ఐదు నెలల ముందు , అప్లై చేసుకొన్న 45 లక్షల మందిలో పార్టీ ఆఫీసుల నుండి జన్మభూమి కమిటీలు ఎంపిక చేసి పంపిన లిస్టుల ప్రకారం లక్షా ఎనభై ఐదు వేల మందికి వెయ్యి రూపాయల చొప్పున 2018 డిసెంబర్ , 19 జనవరి నెలలకు ఇచ్చారు
• రెండు వేల చొప్పున ఇస్తామని అయిదేళ్ల తర్వాత 1000 ఇవ్వడం పట్ల నిరసన వ్యక్తమయ్యేసరికి 5-పిబ్రవరి-2019 న ఓటాన్ అకౌంట్ బడ్జెట్ పెట్టిన సందర్భంలో నిరుద్యోగ భృతి వెయ్యి నుండి రెండు వేలకు పెంచుతూ అసెంబ్లీలో నాటి ఆర్ధిక మంత్రి యనమల రామకృష్ణుడు ప్రకటన .
• వెంటనే రెండు వేలకు పెంచకుండా మార్చి నెల నుండి ఎలెక్షన్ కోడ్ వచ్చిన తరువాత నిరుద్యోగ భృతి పెంచటానికి అనుమతి ఇమ్మని కేంద్ర ఎన్నికల కమిషన్ కు లేఖ . కోడ్ ఉన్నందున అనుమతి ఇవ్వలేమంటూ 30-మార్చ్ -2019 న నిరాకరించిన ఎన్నికల కమిషన్ .
• అంతిమంగా చూస్తే 60 నెలల పాలనా కాలానికి కాను రెండు వేల చొప్పున 120000 రూపాయల భృతి ఇవ్వాల్సి ఉండగా కేవలం అయిదు నెలలు 1000 చొప్పున ఇచ్చి చేతులు దులిపేసుకొన్నారు బాబు .
• 2019 ఎన్నికల్లో నన్ను గెలిపిస్తే ఇప్పుడు 2000 ఇస్తున్న నిరుద్యోగ భృతిని 3000 చొప్పున ఇస్తానని 03-april-2019 న మళ్ళీ హామీ ఇచ్చారు బాబు .
• 2023 ఎన్నికల్లో తమను గెలిపిస్తే యువగళం పధకంలో భాగంగా 20 లక్షల ఉద్యోగాలిస్తామని అప్పటి వరకూ ఉద్యోగం లేనివారికి నెలకు 3000 చొప్పున నిరుద్యోగ భృతి ఇస్తామని 28-may-2023 న హామీ ఇచ్చారు బాబు .

ఇలా తానెదుర్కొనే ప్రతి ఎన్నికలోనూ ఒకే పధకం పేరు చెప్పి జనాల్ని మోసం చేయడంలో చంద్రబాబుని మించిన సిద్దహస్తుడు మరొకరు ఉండకపోవచ్చు .