ఎన్నికల ప్రచారంలో క్షణం తీరిక లేకుండా ఓట్ల వేటలో ప్రచార బిజీలో మునిగిపోయిన రాజకీయ నాయకులు ఎన్నికల అనంతరం ఫలితాల వెలువడే సమయం కొద్దిరోజులు ఉండటంతో విశ్రాంతి తీసుకుంటూ ఉంటారు. రాజకీయ పార్టీ అధినాయకులకి 5ఏళ్లకి ఒకసారి విశ్రాంతి తీసుకోవడానికి కుటుంబ సభ్యులతో గడపటానికి దొరికే విలువైన సమయం ఇదే అని చెప్పవచ్చు. ఇందులో భాగంగానే ఏపీలోని ప్రధాన పార్టీ అధినేతలైన వైయస్సార్ కాంగ్రెస్ పార్టీ అధినేత జగన్, తెలుగుదేశం పార్టీ అధినేత చంద్రబాబు విదేశాలకి వెళ్లారు.
వైసీపీ అధినేత జగన్ కుటుంబ సభ్యులతో కలిసి లండన్ వెళ్ళగా చంద్రబాబు అమెరికాకు వెళ్లారు. జగన్ పర్యటన పూర్తిగా విహార యాత్రగా ఆ పార్టీ నేతలు ప్రకటించారు. కానీ తెలుగుదేశం అధినేత యాత్ర వెనుక ఉన్న కారణం వెనుక మాత్రం కొంత డైలమా కొనసాగుతుంది. తెలుగుదేశం పార్టీ కి అనుకూలంగా పనిచేసే ఈనాడు, ఆంధ్రజ్యోతి పేపర్లే విరుద్ద ప్రకటనలు చేయడంతో ఆ కన్ఫ్యూజన్ మరింత అటు పార్టీ నాయకుల్లో ఇటు కార్యకర్తల్లో పెరిగిపోయింది.
ఈనాడు పత్రిక చంద్రబాబు పర్యటన పూర్తిగా విశ్రాంతి తీసుకోవడానికి వెళుతున్నట్టుగా ప్రకటించగా అదే చంద్రబాబుకి సన్నిహితంగా మెలిగే ఆంధ్రజ్యోతిలో మాత్రం భువనేశ్వరీతో కలిసి చంద్రబాబు వైద్యపరీక్షల నిమిత్తం అమెరికా వెళ్ళినట్టు ప్రకటించింది. చంద్రబాబు వయస్సు రీత్యా వివిధ అనారోగ్య సమస్యలతో బాధపడుతున్న విషయం తెలిసిందే. ఆయన ఆ సమస్యలకు వైద్యం అమెరికాలో చేయించుకుంటారనే వాదన మొదటి నుండి ఉంది. అయితే ఇప్పుడు ఆంధ్రజ్యోతి ప్రకటనతో అటు టీడీపీ నాయకుల్లో , కార్యకర్తల్లో ఆందోళన మొదలైంది. చంద్రబాబు ఆరోగ్యం ఎలా ఉందనే చర్చ వారి మద్య విస్తృతంగా జరుగుతుంది. ఏది ఏమైనా ఈ వదంతులకి చంద్రబాబు కుటుంబ సభ్యులే ఒక ముగింపు పలికితే టీడీపీ క్యాడర్ స్థిమితపడతారని వారి నుండి వస్తున్న మాట .