చెప్పేది అమ్మకి వందనం, మహిళలే మహా శక్తి. చేసేది అఘాయిత్యాలు అత్యాచారాలు ఇదీ టీడీపీ తీరు.

టీడీపీ అధినేత చంద్రబాబు నాయుడు తన ప్రతి ప్రసంగంలోనూ మహిళలే మణి దీపాలు, ఆణిముత్యాలు వారి కోసమే తమ పార్టీ పనిచేస్తుంది అంటాడు. అసలు మహిళల కోసం ద్వాక్రా సంఘాలు సృష్టించిందే నేనని కూడా చెబుతాడు. కానీ మొదట డ్వాక్రా సంఘాలు పుట్టింది బంగ్లాదేశ్ లో అన్నది వేరే విషయం అనుకోండి. పాపం మహిళలకి చేస్తానన్న ద్వాక్రా రుణమాఫీ చేయలేదని బాబు గారు బాధ పడ్డారు కానీ లేదు నాన్నా మీరు డ్వాక్రా రుణమాఫీ చేసేసారు అని లోకేష్ యువగలంలో ఘంటాపదంగా అబద్దం చెప్పి తండ్రి బాధ తగ్గించాడనుకోండి.

అలాగే తన వలనే మహిళలు ఆర్ధికంగా శక్తివంతులై తమ భర్తలు రెండు పెగ్గులు తాగాలంటే ఉదారంగా ఇచ్చేంతగా మహిళల్ని స్థితి మంతుల్ని కూడా చేశానని చెప్పుకొంటాడు కానీ ఈ ఘనతలు మొత్తం ఆయన శిష్యులు, టీడీపీ నాయకులు మాత్రం అర్ధం చేసుకోలేక మహిళల పై దాడులకు, అత్యాచారాలకు పాల్పడుతుంటారు.
టీడీపీ అధికారంలో ఉన్నప్పుడు ఇలాంటివి లెక్కకు మించి జరుగుతాయి అనుకోండి. చింతమనేని జుట్టు పట్టి ఈడ్చినా, రావెల కొడుకు కుక్క అడ్డం వచ్చిందంటూ మహిళల్ని వెంటాడి వేధించినా అవన్నీ సమాజ సేవ కోసం కాబట్టి కేసులు నమోదు కావు కానీ 2019 తర్వాత వైసీపీ ప్రభుత్వం ఇలాంటి చర్యల పై కేసులు నమోదు చేయటం దుర్మార్గం అని టీడీపీ నాయకులు అంతర్గతంగా బాధ పడుతూ ఉండొచ్చు .

అలా మహిళలపై 2019 నుంచి టీడీపీ నాయకులు, కార్యకర్తలు చేసిన అఘాయిత్యాల లిస్ట్:-

• 2019 నవంబర్ 16:- అనంతపురం జిల్లా చిలమత్తూరుకు చెందిన టీడీపీ కార్యకర్త శ్రీనివాస్ మహిళలను టార్గెట్ చేసి వేదింపులకు గురిచేయడమే కాకుండా ఆరుగురు మహిళలను అత్యాచారం చేశాడు.
• 2020 ఫిబ్రవరి 20:- కర్నూల్ జిల్లా అవుకు పట్టణంలోని టీడీపీ కార్యాలయంలో సభ్యసమాజం తలదించుకునేలా 14 ఏళ్ల బాలుడిపై పైశాచికంగా లైంగికదాడికి పాల్పడిన టీడీపీ కార్యకర్త బుల్లెట్‌ రాజు.
• 2021 జనవరి 9:- మూడేళ్లుగా టీడీపీ కార్యకర్త పద్మాచారి లైంగిక వేధింపులకు గురి చేస్తున్నాడు టీడీపీ పాలనలో కేసు పెట్టినా పలుకుబడితో ఒక్కరోజులోనే బయటకు వచ్చి నరకం చూపిస్తున్నాడని కన్నీరు పెట్టుకున్న అనంతపురం సోమందేపల్లి కి చెందిన యువతి.
• 2022 జనవరి 28:- పార్టీలో ఉన్న మహిళలపై టీడీపీ నాయకులు, లోకేష్ పీఏ సాంభశివరావు టీం లైంగిక వేధింపులకు గురిచేస్తున్నారని టీడీపీ రాష్ట్ర కార్యాలయం ముందు ధర్నా చేసిన పెదవడ్లపూడి గ్రామానికి చెందిన టీడీపీ నాయకురాలు కృష్ణవేణి పాలేటి.
• 2022 జనవరి 30:- 14ఏళ్ల బాలికపై లైంగిక వేదింపులకు పాల్పడి ఆమే ఆత్మహత్య చేసుకునే విధంగా చేసిన విజయవాడకు చెందిన టీడీపీ నేత వినోద్ జైన్.
• 2022 ఫిబ్రవరి 9:- అనంతపురం ఉరవకొండ, రాకెట్ల తండాకు చెందిన టీడీపీ కార్యకర్త రామావత్ చంద్రా నాయక్ ఒంటరిగా ఉన్న బాలకపై అత్యాచారంచేసేందుకు ప్రయత్నించాడు బాలిక వెంటనే అప్రమత్తమై తలుపులు వేయడంతో పోలీసులకి దోరికిపోయాడు.
• 2022 ఏప్రిల్ 28:- గుంటూరు జిల్లా దుగ్గిరాల మండలం తుమ్మపూడికి చెందిన వివాహితతో వివాహేతర సంబంధం ఏర్పరచుకుని. తన స్నేహితుడు శివసత్య సాయిరామ్‌ కోరికను కూడా తీర్చాలని ఆమెను వేధించాడు. అందుకు అంగీకరించకపోవడంతో ఆమెను దారుణంగా హత్యచేసిన టీడీపీ కార్యకర్త, నారా లోకేశ్‌ యూత్‌ టీమ్‌ సభ్యుడు కొర్రపాటి వెంకటసాయి సతీష్‌ చౌదరి.
• 2022 ఏప్రిల్ 29:- దుగ్గిరాల మండలం శృంగారపురంలో మహిళా కూలీపై అత్యాచారయత్నం చేసిన టీడీపీ క్రియాశీలక కార్యకర్త మల్లెల కిరణ్‌.
• 2022 జులై 21:- వివాహితను లైంగిక వేధింపులకు గురిచేయడమే కాకుండా. వివాహిత భర్తను బెదిరింపులకు గురిచేశిన ధర్మవరం చారుగుండ్ల ఓబిలేసు. దీంతో ఆమే భర్త మనస్థాపంతో ఆత్మహత్యయత్నం చేశాడు. రైల్వే ట్రాక్‌పై సెల్ఫీ వీడియోలో ఆవేదన వ్యక్తం చేశాడు.
• 2022 జులై 21 :- కావలి మండలంలో ఓ గ్రామానికి చెందిన విద్యార్థిని పట్టణంలో బీసీ హాస్టల్‌లో ఉంటూ ఒక ఎయిడెడ్‌ పాఠశాలలో 8వ తరగతి చదువుతోంది. అదే హైస్కూల్‌లో టీడీపీ కావలి పట్టణ మహిళా అధ్యక్షురాలు వాసంతి భర్త ద్రోణాదుల వెంకట్రావు అలియాస్‌ గాబరా వెంకట్రావు రికార్డు అసిస్టెంట్‌గా ఉద్యోగం చేస్తున్నాడు. తనను గాబరా వెంకట్రావు కొద్ది రోజులుగా లైంగికంగా వేధిస్తున్నాడని తల్లిదండ్రులకు ఫోన్‌చేసి విషయం చెప్పడంతో గుట్టుచప్పుడు కాకుండా వెంకట్రావును సస్పెండ్‌ చేశారు
• 2022 అక్టోబర్ 5:- శ్రీ సత్యసాయి జిల్లాలో టీడీపీ నేత రాళ్లపల్లి ఇంతియాజ్ లైంగిక వేధింపులకు ఊరి వేసుకుని ఆత్మహత్య చేసుకున్న సుధారాణి.
• 2022 డిసెంబర్ 27:- పల్నాడు జిల్లా దాచేపల్లి మండలం కేసానుపల్లి ఎస్సీ కాలనీలో తొమ్మిదేళ్ల బాలికపై చాక్లెట్లు ఇస్తానని ఆశ చూపించి సమీపంలోని ఓ ఇంట్లోకి తీసుకువెళ్ళి అసభ్యకరంగా ప్రవర్తిస్తూ టీడీపీ సోషల్‌ మీడియా గ్రామ కో–ఆర్డినేటర్‌ వినుకొండ అశోక్‌బాబు లైంగికదాడికి ప్రయత్నించడంతో ఆ చిన్నారి కేకలు వేసింది. దీంతో అశోక్‌బాబు పారిపోయాడు.
• 25 జనవరి 2023:- డోన్‌కు చెందిన టీడీపీ నేత తనతో అసభ్యంగా వ్యవహరించారని.. దీనిపై చర్యలు తీసుకోవాలని టీడీపి అధిష్టానానికి ఫిర్యాదు చేసిన పట్టించుకోకపోయే సరికి ఆ పార్టీకి రాజీనామా చేసిన భీమిలి నియోజకవర్గం 5వ వార్డుకు చెందిన తెలుగు మహిళ ఉపాధ్యక్షురాలు గోడి అరుణ.
• 2023 ఆగస్ట్ 3:- సోదరుడి వరుసైన వ్యక్తితో కలసి తీసుకున్న వీడియోలు, ఫొటోలను చూపిస్తూ. కోరిక తీర్చకపోతే అందరికీ పంపుతాను తప్పుగా ప్రచారం చేస్తానని బెదిరించి. లైంగిక దాడికి పాల్పడిన అనంతపురం టీడీపీ మాజీ ఎమ్మెల్యే వైకుంఠం ప్రభాకరచౌదరి ప్రధాన అనుచరుడు, ఆ పార్టీ క్లస్టర్‌ ఇన్‌చార్జ్‌ మార్కెట్‌ మహేష్‌.
• 2023 సెప్టెంబర్ 21:- ఆటోలో వెళ్తున్న పదో తరగతి విద్యార్ధినిపై లైంగిక వేధింపులకు పాల్పడి. ఆటోలో నుంచి బయటకు లాక్కెళ్లి విద్యార్ధినిపై అత్యాచారయత్నం చేసిన ధర్మవరం మండలం గొట్లూరులో టీడీపీ నేత భాస్కర్‌.
• 2023 డిసెంబర్ 8:- యాచక వృత్తి చేసుకుంటూ కదిరి బస్టాండ్ ప్రాంతంలో జీవనం సాగిస్తున్న ఓ మహిళపై లైంగిక వేధింపులకు పాల్పడ్డ కదిరి నియోజకవర్గ టీడీపీ ముఖ్యనేత అనుచరుడు, నంబూల పూలకుంటకు చెందిన ఐటీడీపీ సభ్యుడు వేలూరి సతీష్. ఈ ఘటనకు సంబంధించిన వీడియో సోషల్ మీడియాలో వైరల్గా మారింది.
• 2023 డిసెంబర్ 11:- విశాఖ జిల్లా పెందుర్తి నియోజకవర్గంలో చింతగట్ల పంచాయతీ నందవరపువానిపాలెంలో ఒంటరిగా నివసిస్తున్న పరిచయం ఉన్న ఓ మహిళపై యాసిడ్‌ పోసి ఆమె బీరువాలోని నగదు, బంగారు ఆభరణాలను దొంగిలించిన టీడీపీ అధ్యక్షుడు చీపురపల్లి నరసింగరావు.

పాపం ఇటీవల రెండు కళ్ళల్లో శుక్లాలు వచ్చినందు వలన తీవ్ర మహిళాభ్యుదయవాది అయిన చంద్రబాబు గారికి ఇవన్నీ కనపడక వారిని పార్టీ నుండీ సస్పెండ్, లేదా డిస్మిస్ చేయటం జరగలేదు. లేకపోతేనా నా సామిరంగా