హోటల్ తాజ్ చెఫ్ లతో ఏపీ ప్రభుత్వం ఒప్పందం

ఆంధ్రప్రదేశ్ ప్రభుత్వం ప్రభుత్వ పాఠశాలల్లో పిల్లలకు మధ్యాహ్న భోజన పథకం మెనూని సవరించి నాణ్యమైన పౌష్టికాహారాన్ని అందించడం ద్వారా విద్యార్థుల పోషకాహారాన్ని మెరుగుపరచడానికి ప్రారంభించిన సంక్షేమ పథకం జగనన్న గోరుముద్ద పథకం, దేశంలో ఎక్కడా లేనివిధంగా జగనన్న గోరుముద్ద ద్వారా పేద విద్యార్థులకు రోజుకో మెనూతో పౌష్టికాహారాన్ని ఏపీ ప్రభుత్వం అందిస్తున్నది.

అయితే ఇప్పుడు ప్రభుత్వం జగనన్న గోరుముద్ద పథకం కింద ప్రభుత్వ పాఠశాలల్లో పిల్లలకు వడ్డించే మధ్యాహ్న భోజనం పౌష్టికాహారమే కాకుండా రుచికరంగా ఉండేలా చర్యలు తీసుకుంటుంది, డిపార్ట్‌మెంట్‌లోని మిడ్‌డే మీల్స్ విభాగం తిరుపతిలోని హోటల్ తాజ్ చెఫ్‌లతో కలిసి రుచికరమైన మరియు ఆరోగ్యకరమైన ఆహార పదార్థాల మెనూను సిద్ధం చేస్తోంది. వాళ్ళ సూచనలను వీడియోల రూపంలో అందిస్తారు, ఇందులో చెఫ్‌లు రుచికరమైన మరియు పోషకమైన ఆహార పదార్థాలను ఎలా తయారు చేయాలో వివరిస్తారు మరియు వాటి ఆరోగ్య ప్రయోజనాలను కూడా వివరిస్తారు.

మధ్యాహ్న భోజనం అందించే 44,190 పాఠశాలల్లో పనిచేస్తున్న 85,000 మంది వంటవాళ్లకు ఈ వీడియోలను అందించే భాధ్యత ఆ పాఠశాల ప్రధానోపాధ్యాయులదే అని పాఠశాల విద్యాశాఖ ప్రిన్సిపల్ సెక్రటరీ ప్రవీణ్ ప్రకాష్ జిల్లా విద్యాశాఖాధికారులను (డీఈఓలు) ఆదేశించారు, స్మార్ట్ ఫోన్లు లేని వారికి ఈ వీడియోలను స్మార్ట్ టీవీలు, పాఠశాలల్లో అమర్చిన ఇంటరాక్టివ్ ఫ్లాట్ ప్యానెల్స్‌లో చూపించాలని ఆయన అన్నారు. “పాఠశాలల్లో అందించే ఆహారం నాణ్యతతో పాటు రుచికరంగా ఉండాలనేది ఈ ఒప్పందం యొక్క ముఖ్య లక్ష్యం.

ప్రస్తుతం రాష్ట్రంలోని మొత్తం 44,190 ప్రభుత్వ పాఠశాలల్లో 36,612 పాఠశాలలు 100% మిడ్‌డే మీల్స్ వినియోగాన్ని కలిగి ఉన్నాయి, మిగిలిన పాఠశాలల్లో కూడా జూన్ 12 నుండి ప్రారంభమయ్యే కొత్త విద్యా సంవత్సరంలో, పాఠశాల ఆవరణలో పిల్లలకు అందించే మధ్యాహ్న భోజనాన్ని 100% వినియోగించుకునేలా చూసుకోవాలని డీఈఓలను ప్రిన్సిపల్ సెక్రటరీ ప్రవీణ్ ప్రకాష్ కోరారు.