రెండు రోజుల్లో 61 లక్షల మందకి పింఛన్‌ సొమ్ము

రాష్ట్ర వ్యాప్తంగా వైఎస్సార్‌ పెన్షన్‌ కానుక పంపిణీ శరవేగంగా జరుగుతోంది. గురు, శుక్రవారాలు కలిపి 61,09,122 మందికి రూ.1,810 కోట్ల నగదును వలంటీర్లు, సచివాలయ సిబ్బంది అందజేశారని ఉన్నతాధికారులు వెల్లడించారు. దీంతో 92.35 శాతం నమోదైంది. శనివారం కూడా ఈ ప్రక్రియ కొనసాగింది. అనారోగ్యంతో మంచానికే పరిమితమైన వృద్ధులు గతంలో పింఛన్‌ సొమ్ము కోసం అష్టకష్టాలు పడుతూ వెళ్లేవారు. పనులు మానుకుని వారితో ఒకరు లేదా ఇద్దరు వెళ్లిన పరిస్థితులున్నాయి. నేడు వలంటీర్లు ఇంటికొచ్చి ఇస్తుండటంతో ఆ ముసలివాళ్ల కళ్లలో నుంచి ఆనందభాష్పాలు వస్తున్నాయి. లబ్ధిదారుల ఇళ్లకు వెళ్లి జగన్‌ ఇచ్చిన పెన్షన్‌ సొమ్మును అందిస్తూ ఆశీర్వాదాలు అందుకుంటూ మురిసిపోతున్నారు వలంటీర్లు. ప్రజలకు సేవ చేసే అవకాశాన్ని కల్పించిన సీఎంకు కృతజ్ఞతలు తెలుపుతున్నారు.