పవన్ కళ్యాణ్ దెబ్బతో – పిల్లల భవిష్యత్తు పై నీలి నీడలు

పలువురు తల్లితండ్రుల ఆవేదన

పవన్ కళ్యాణ్ మా పిల్లల భవిష్యత్తు నాశనం చేస్తున్నడని జనసేనలో క్రియాశీలకంగా పనిచేసిన వారి తల్లితండ్రుల ఆవేదన ఇప్పుడు చర్చనీయంశంగా మారింది. ఉన్నత స్థితిలో ఉండాల్సిన తమ పిల్లలని తన స్వార్ధ రాజకీయ అవసరాల కోసం పిలిచి వాడుకుని చివరికి వారికి ఎలాంటి భవిష్యత్తు లేకుండా రోడ్డున పడేశాడని పవన్ కళ్యాణ్ పై దుమ్మెత్తి పోస్తున్నారు.

ఇలాంటి విచిత్ర సంఘటనలు ఏ పార్టీలోను ఇప్పటివరకు జరిగినట్టు దాఖలాలు లేవు. పవన్ కళ్యాణ్ రాజకీయ విధానాల ముసుగున, వ్యక్తిగత ఈర్ష్యా ద్వేషాలను సాధించుకునేందుకు మా పిల్లలని పావులుగా వాడుకుంటున్నాడని వారు ఆవేదన చెందడం చూస్తే కొన్ని ప్రత్యేక పరిస్థితుల్లో తన మనుగడ కోసం పాము తాన పిల్లలనే ఆహార వనరుగా భావించినట్టే పవన్ కళ్యాణ్ కూడా తన మనుగడ కోసం నమ్మి వచ్చిన వారినే రోడ్డున పడేస్తున్నాడనే వాదన వినిపిస్తుంది.

కొన్ని సంఘటనలు ఉదగరణగా చూస్తే:-

• విదేశాల్లో ఉన్నత చదువులు చదివిన తన మనవడు రఘురాజుకు రాజకీయాల్లో మంచి భవిష్యత్‌ ఉంటుందని, మాడుగుల సీటు ఇస్తామని ఆహ్వానించి, చివరికి తన మనవడిని కాదని గవిరెడ్డి సన్యాసినాయుడికి టికెట్‌ ఇచ్చి పవన్‌కల్యాణ్‌ తమ కుటుంబాన్ని మోసం చేశాడని ప్రశాంతంగా ఉంటున్న తమను ఇంటి నుంచి వీధికీడ్చి దగా చేశాడని మాజీ ఎమ్మెల్యే అల్లు భానుమతి ఆగ్రహం వ్యక్తం చేశారు.
• తన కుమార్తె ఆకుల జయ కళ్యాణి సాఫ్ట్వేర్ ఉద్యోగం చేస్తూ వాలంటీర్ గా జనసేనకు పని చేస్తుంటే పవన్ కళ్యాణ్ పిలిచి ఉద్యోగానికి వెళ్ళనక్కరలేదు, నా పర్సనల్ షెడ్యూల్స్ చూడు నీకు భవిష్యత్తుకి నేను భరోసా అని చెప్పి ఇప్పుడు గాలికి వదిలేశాడని ఆవేదన వ్యక్తం చేసిన ఆమె తండ్రి ఆకుల వెంకటస్వామి.
• పవన్‌ మాటల మాయలో పడి ఆయన కోసం, జనసేన పార్టీ కోసం ఎంతో కష్టపడి పనిచేశాము. పవన్‌‌ను నమ్ముకుంటే తమలాగే అందరినీ నట్టేట ముంచి రోడ్డున పడేస్తారు. 2017లో సివిల్స్ ప్రిపేర్ అవుతున్న తన కొడుకుని పిలిచి, సివిల్స్ వదిలేసి రా నిన్ను డిల్లీ స్థాయి లీడర్ ని చెస్తాను అని చెబితే నా బిడ్డ పవన్ కళ్యాణ్ దగ్గరికి వెళ్ళాడు. పవన్‌ను నమ్మి నా బిడ్డను ఆయన దగ్గరికి పంపాను. కానీ కనీసం వివరణ లేకుండా ఆయన నా బిడ్డను రోడ్డున పడేశారు. ఒక తల్లిగా చెప్తున్నా.. తల్లి తండ్రులకి ఒకటే విజ్ఞప్తి మీ బిడ్డల్ని ఆయన దగ్గరకు పంపొద్దు. అని ఆవేదన వ్యక్తం చేసిన పవన్ కల్యాణ్ పర్సనల్ సెక్రటరీ గా పనిచేసిన సందీప్ రాయల్ తల్లి పసుపులేటి పద్మావతి గారు.

ఇవి బయట ప్రపంచానికి తెలిసిన కొన్ని ఘటనలు మాత్రమే .. పవన్ కళ్యాణ్ తన రాజకీయ స్వార్ధ ప్రయోజనాల కోసం ఉన్నత స్థాయికి వెళ్ళాల్సిన యువత జీవితాలను నాశనం చేస్తున్నాడు. వారి తల్లి తండ్రులకి ఆవేదనని మిగులుస్తున్నాడు. ఇప్పటికైన పవన్ కళ్యాన్ అనే సినిమా మోజులో ఉన్న తమ పిల్లలని ఒక కంట కనిపెడుతూ వాళ్ల జీవితాలు నాశనం అవ్వకుండా తల్లితండ్రులు జాగ్రత్త పడకపోతే వారు నష్టపోవడం ఖాయం అని ఈ ఘటనలు చూస్తే అర్ధమవుతుంది.