యధా సేనాని తధా సైనికులు మహిళల పై పెరుగుతున్న జనసైనికుల అక్రత్యాలు

జనసేన పార్టీ అధినేత పవన్ కళ్యాణ్ పై ఆ పార్టీ కార్యకర్తల పై రాష్ట్రంలో మెజారిటీ ప్రజలకు సదభిప్రాయం లేదనే చెప్పాలి. జనసేన పార్టీ పెట్టకముందు పవన్ కళ్యాణ్ అనే నటుడు ఎలా ఉన్నారన్నది ప్రజలకు అవసరంలేని విషయం. కానీ ఒక రాజకీయపార్టీ పెట్టి ప్రజల తరుపున ప్రభుత్వాన్ని ప్రశ్నిస్తానంటూ ప్రత్యక్ష రాజకీయాల్లోకి అడుగుపెట్టాక నాయకుడిగా క్రమశిక్షణ అవసరం.. పవన్ కళ్యాణ్ కు ఆ క్రమశిక్షణ లేదనే విషయం చాలా సందర్భాలలో ప్రూవ్ చేసుకుంటూనే ఉంటాడు. యథా రాజా తథా ప్రజా అన్న చందంగా అభిమానిస్తున్న నాయకుడు ఎలా ఉంటే ఆయన అనుచరులు కూడా అలానే ఉంటారు. పవన్ విషయంలో కూడా అదే జరుగుతుంది.. జనసేన సైనికులు ప్రతి నెలా ఆడవారిని వేధించిన కేసుకో, మోసం చేసిన దానికో, హత్య చేసారనో ఏదో ఒక విధంగా వార్తల్లో ఉంటుంటారు.. క్రమేణా అది ఆ పార్టీ ఆనవాయితీ అనేలా మారిపోయింది. జనసేన కార్యకర్తలు, నాయకులు మహిళలను వేధించిన కేసులు చూస్తే వీళ్ళా ప్రశ్నిస్తాం, రాష్ట్రాన్ని ఉద్దరిస్తాం అని ఓట్లడిగేది అని అసహ్యం వేయక మానదు. అలాంటి ఘటనలు కొన్ని చూద్దాం.

• ఏలూరుకు చెందిన నగల వ్యాపారి కూతురుని ట్రాప్ చేసి కోట్లు విలువ చెసే బంగారం కాజేసారు జనసేన కార్యకర్తలైన బాలాజీ, సింహాద్రి బాలచందర్, దేవేందర్ నాయుడు, ఫ్రాన్సిస్, రాజేష్, రాజీవ్, అశోక్ కుమార్.. అమ్మాయిని ట్రాప్ చేశారని ఏలూరులో కేసు నమోధైంది.
• పవన్ కళ్యాణ్ వీరాభిమాని గా రాష్ట్రంలో పేరున్న సకెటి చంద్రశేఖర్ ఫేస్ బుక్ లో మహిళని బ్లాక్ మేయిల్ చేసి వేధింపులకి గురి చేసిన కేసులో అరెస్ట్ అయ్యాడు. దాసరి ప్రదీప్ అనే పవన్ కళ్యాణ్ అభిమాని 30 అశ్లీల వెబ్ సైట్లు నడూపుతూ పోలీసులకి దొరికాడు.
• మహిళలను ట్రాప్ చెయ్యడం, బ్లాక్ మెయిల్ చెయ్యడం, వివాహేతర సంబంధాలు పెట్టుకోవడం, మాట వినకపోతే హత్య చేయడం కేసుల్లో ప్రస్థుతం ఎక్కువగా ఉండేది జనసేన అభిమానులే.
• మహిళలు, వృద్ధులపై ఈ జనసైనికుల ఆగడాలు మరీ ఎక్కువగా ఉంటున్నాయి. నిస్సహాయులుగా ఏమీ చేయలేరన్న ధీమాతో వారినే టార్గెట్ చేస్తూ ఇలాంటి నీచపు పనులకు పాల్పడుతున్నారు. పవన్ కల్యాణ్ పింఛన్ అంటూ దోనేపూడి లక్ష్మీ అనే వృదురాలి దగ్గర దొంగ పత్రాలపై సంతకం చేయించుకుని ఆమె ఇంటిని కాజేసాడు బొప్పన శాంసన్. అతను జనసేన పార్టీ ముఖ్య కార్యకర్త.. ముందు మంచిగా ఆ ఇంట్లో అద్దెకు దిగి తర్వాత ఆమెకు లేనిపోని మాటలు చెప్పి పవన్ కళ్యాణ్ పింఛన్ ఇప్పిస్తానంటూ ఇంటిని కాజేసేందకు ప్రయత్నించాడు. ఈ విషయంపై నున్న పోలీస్ స్టేషన్ లో కేసు నమోధైంది.
• 2019 సాధారణ ఎన్నికల్లో జనసేన తరఫున విజయనగరం ఎంపీ అభ్యర్థిగా పోటీ చేసిన జనసేన నాయకుడు ముక్క శ్రీనివాసరావు తమ భూములకు సంబంధించిన పత్రాలు తీసుకుని.. వాటిని తిరిగి ఇవ్వాలని అడిగితే గన్‌ చూపించి బెదిరిస్తున్నాడని గాజువాక ప్రాంతం వడ్లపూడికి చెందిన ఇల్లపు రేవతికుమారి పోలీసులని ఆశ్రయించారు.
• జనసేన అరకు పార్లమెంట్ అధికార ప్రతినిధి మాదాల శ్రీరాములు ఆరిపాక ఈశ్వరమ్మ అనే మహిళను హత్య చేసి బంగారం చోరీ చేశాడు. పారిపోతున్న నిందితుడు మాదాల శ్రీరాములును ఆర్టీసీ కాంప్లెక్స్‌లో పోలీసులు అరెస్టు చేశారు. జనసేన పార్టీ కార్యకర్తలకు ఏమాత్రం తీసిపోకుండా ఆ పార్టీ నాయకులు కూడా నేరాలు చేస్తున్నారు.
• అభం శుభం తెలియని బాలికలపై కూడా ఈ జనసేన నాయకులు అఘాయిత్యాలకు పాల్పడుతున్నారు. చినవాల్తేరులోని ఓ అపార్టుమెంట్‌లో నివాసం ఉంటున్న ఓ మైనర్ బాలికకు వాట్సాప్‌లో అసభ్య మెసేజ్‌లు పెట్టడంతో పాటు ప్రేమించాలంటూ జనసేన పార్టీ విశాఖ తూర్పు నియోజకవర్గ నాయకుడు రాఘవరావు బాలికను వేధింపులకు గురిచేసాడు. భయపడిన ఆ బాలిక ఇంట్లో చెప్పడంతో తల్లీదండ్రలు పోలీస్ స్టేషన్ ను ఆశ్రయించారు. ఇలాంటి అమానవీయ సంఘటనలు జరిగినప్పుడు కూడా జనసేనాని అని చెప్పుకు తిరిగే పవన్ కళ్యాణ్ స్పందించలేదు.
• అనంతపురం జిల్లా ధర్మవరంలో ఎస్‌బీఐలో అవుట్‌ సోర్సింగ్‌ ఉద్యోగిని స్నేహలత అనే అమ్మాయిని గుత్తి రాజేష్‌, కార్తీక్‌ పవన్ అనే ఇద్దరు జనసేన కార్యకర్తలు దారుణంగా హత్య చేసి.. ఆ తర్వాత తగలబెట్టేందుకు ప్రయత్నించారు. ప్రేమించలేదనే కోపంతో ఈ హత్య చేసినట్లు తరువాత పోలీసుల విచారణలో తేలింది.
• తాజాగా నార్సింగ్ కు చెందిన యువతిని పవన్ కళ్యాణ్ ఫ్యాన్ అయిన ప్రముఖ యూట్యూబర్ చందు సాయి ప్రేమ పేరుతో మోసం చేశాడు. అమెపై అత్యాచారం కూడా చేశాడు. తర్వాత ముఖం చాటేశాడు. మోసపోయానని గ్రహించిన యువతి పోలీసులను అశ్రయించింది. అతనిపై అత్యాచారం, మోసం కేసు నమోదైంది. చందు సాయిని పోలీసులు అరెస్ట్ చేసి రిమాండ్ కు పంపారు.

ఆడవారిని మోసం చేయడం, ఇబ్బందులకు గురిచేయడం ఇవన్నీ జనసేన కార్యకర్తల, నాయకుల నిత్యకృత్యాలు అయిపోయాయి . ఒక రాజకీయ పార్టీ నాయకుడిగా భాద్యతాయుత స్థానంలో ఉన్న పవన్ ఇలాంటి దుచ్చర్యలను ఖండించకపోవటం, వాటికి పాల్పడిన కార్యకర్తలుని, నాయకులని సస్పెండ్ చేయటం లాంటి కనీస చర్యలు కూడా చేపట్టకపోవడం బాధాకరం .